ادبيات
بويله مستم بيلمرم كي مي ندير مينا ندير
گول ندير بولبول ندير سونبول ندير صحرا ندير
اود دوتوب جانيم سراسر ياندي آمما بيلمديم
ديل ندير دلبر ندير باشيم ده بو سودا ندير
بيلمديم عمرومده هرگزكفروايمان هانسي دير
احمد ومحمود كيم ديرعيسي وموسي ندير
طره هاتي قوي كناره رقصه گل ديوانه وار
گل خرابات ايچره گوربوشورش وغوغا ندير
درد صافي گوزله مك وقتي دگيل ساقي آمان
شيشه وئر پيمانه وئر ساغر ندير صهبا ندير
دور گوزون قوربانيم مستانه گل رندانه وئر
چوخ دئمه جمشيد دن اسكندر و دارا ندير
يئتدي عمرون آخره سن بير نباتي بيلمه دين
كيمدي بو گوزدن باخان يا ديلده بو گويا ندير
نباتي
مي سيز مزه سيز
مي سيز مزه سيز جاميله جانان اولا بيلمز
سودا نه دييم هر كيمه ميدان اولا بيلمز
عارف لري دينديركي ندير شعريله صنعت
شاعر يارانان امره پشيمان اولا بيلمز
گيرديم گونشين قوينونا مين بيرسحريم وا ر
بولبول ده منم گول ده وزمستان اولا بيلمز
قلبين اورگيم آتشينه يانماسا هر سوز
ديل لرده آغزلاردا اوداستان اولا بيلمز
خوشبخت ائليمين يوردوموزون وورغونيام من
بوندان دا گوزل بير داخي دوران اولا بيلمز
وورغون
ديوانه ليك
عشقين تمام نشئه سي ديوانه ليكده دير
ميخانه نين ملاحتي مستانه ليكده دير
جاهل لر ايله عارفين اولمازعلاقه سي
حال اهلي نين تكاملي فرزانه ليكده دير
لعلين خيالي كونلومه دولسا عجب دگيل
گيزلين خزينه نين چوخي ويرانه ليكده دير
يئتمز وفاسي آخره نامرد اولان لارين
شخصين بوتون ديانتي مردانه ليكده دير
واحداگرچي صنعته قيمت وئريرسه خلق
شعرين ده قدر و قيمتي دردانه ليكده دير
واحد
بؤلوم :
یازار : مهدي